Наркотик тарҕата сатаабыт Дьокуускай олохтооҕо 8 сылга көҥүлэ быһылынна. Эр киһи интернет нөҥүө наркотигы сокуоннайа суох атыылыыр курьер быһыытынан үлэҕэ киирбит диэн, өрөспүүбүлүкэ прокуратуратын пресс-сулууспата иһитиннэрдэ.
Кини Дьокуускай куоракка кистэлэҥ сирдэри оҥорбут. Ол гынан баран, эр киһи наркотигы атыылыан иннинэ, полиция кинини туппут, наркотиктарын былдьаабыт.
Суут наркокурьеры 8 сылга кытаанах режимнээх холуонньаҕа ыытта.Бириигэбэр сокуоннай күүһүгэр киирэ илик, онон өрүттэр сөбүлэһимиэхтэрин сөп. Наркотигы атыылаттарар дьон утары туспа холуобунай дьыала тэрилиннэ, уонна силиэстийэ үлэтэ саҕаланна.
