Байыаннай дьайыыга үбүнэн көмө буолар “СВОИХ НЕ БРОСАЕМ” акцияҕа бастакылар кэккэлэригэр Ленскэй нэһилиэк олохтоох дьаһалтатын үлэһиттэрэ күннээҕи хамнастарын уган холбостулар, кыттыстылар. Ону тэҥэ, олохтоох дьаһалта эбии 100 тыһыынча солкуобай бэйэтин көмөтүн киллэрдэ.
“Байыаннай дьайыы буола турар сиригэр тыылтан көмө булгуччу наада. Нам улууһа акция тэрийэрэ уолаттарга өйөбүл, болҕомто буолар”, – диир баһылык Петр Сокольников.
Акция М.К. Аммосов аатынан култуура дыбарыаһыгар 11 ч саҕаламмыта. Нам улууһун дьоно-сэргэтэ көмө акциялартан хаһан да туора турбата хайҕаллаах. Бүгүҥҥү күҥҥэ тэрилтэ үлэһиттэрэ биир күннээх хамнастарын биир дойдулаахтарыгар аныыллар, суруйда Эҥсиэли хаһыат.
