Күнү-дьылы баттаһа, от ыйын 1 күнүттэн кэккэ нэһилиэктэргэ: Үөдэйгэ, 1 Хомустаахха, Хатыҥ Арыыга, 2 Хомустаахха кытылга киирэн отторун охсон саҕалаатылар.
Нам улууһун тыа хаһаайыстыбатын управлениетын начальнига Владимир Макаров:
— Быйыл улууска былаан быһыытынан 27 563 туонна оту бэлэмниир соруктаахпыт. Улуус үрдүнэн оттуур сирбит иэнэ уопсайа 32 183 гааҕа тэҥнэһэр, ол иһигэр кытыл — 11 724 га, алаас — 12 521 га, саппаас сир — 4 225 га, тыа быыһынааҕы сир — 3713 га.
От үлэтигэр тэрээһиннээх хаһаайыстыбаларга барыта 744 араас мааркалаах тыраахтардары туһанан 1655 киһи, 534 звено оттуоҕа, суруйда @gazetaensieli
