Улуустааҕы тыа хаһаайыстыбатын управлениета иһитиннэрбитинэн, от ыйын 24 күнүнээҕи туругунан уопсайа 823 киһи оттуу сылдьар, диэн Эҥсиэли суруйар.
Улуус үрдүнэн – барыта 557 трактор, 464 звено (224 – механизированнай, 223 – механизированнай аҥардаах, 17 – илиинэн) оттуу сылдьаллар. Барыта 3885,500 гектар сир охсуллубутуттан 4431,600 туонна от бэлэмнэниллибит. Былааны толоруу 15,335%-ҥа тэҥнэспит. Ааспыт сылга баччаларга 654 туонна оттоммут. Ходуһалар ууга сыппыттар.
Билигин өрүс уута саҥа түһэн эрэр. Онон арыыга оттооччулар, дьэ, көһөн киириэхтэрэ. Нэһилиэктэринэн былаан туолуутун ылан көрөр эбит буоллахха: фрунзелар, түбэлэр 40-тан, үөдэйдэр, көбөкөннөр 30-тан, маймаҕалар, хатырыктар, арбыннар 20-тэн тахсалыы бырыһыан толорон иһэллэр. Онтон атын нэһилиэктэр 10-тан тахсалыы.
Семен Аргунов
