28 Тохсунньу 28.01
  • -48°
  • $ 73,82
  • 83,32

Намҥа ыытыллыбыт дьаарбаҥкаҕа 104 атыыһыт табаарын хамаҕатык батарда

Намҥа М.К. Аммосов аатынан болуоссакка үгэс быһыытынан сыл ахсын ыытыллар дьаарбаҥка буолан ааста. Дьаарбаҥкаҕа 95 кэтэх хаһаайыстыбалаах дьон, 9 бааһынай хаһаайыстыба уонна тыа хаһаайыстыбатын тэрилтэлэрэ кытыннылар.


IMG_0215

Бэйэ үүннэрбит үүнээйилэрин рассадатын, хортуоппуйдарын сиэмэтин, моонньоҕоннорун угун, араас сибэккилэрин, дьэдьэннэрин, ииппит сибиинньэлэрин оҕотун, кууруссаларын сымыытын, астаабыт астарын уо.д.а. тыа хаһаайыстыбатын бородууксуйатын, промышленнай табаардары аҕалан атыылаан үллэҥнэттилэр. Холобур, Хатас сибиинньэ иитэр комплекса 100 сибиинньэ оҕотун, көтөр иитэр фабрика сымыыты, «Росток» ХЭТ моонньоҕон уо.д.а. үүнээйилэр уктарын хамаҕатык атыылаан, балачча үгүөрү дохуоту киллэриммиттэрин дуоһуйа кэпсээтилэр.

Дьону-сэргэни улуус баһылыга Александр Атласов, Ленскэй нэһилиэк баһылыга Андрей Новгородов, улуус депутаттарын сэбиэтин председателэ Иван Попов истиҥник-иһирэхтик эҕэрдэлээтилэр, таһаарыылаах үлэни, эйэлээх, түмсүүлээх, ньир-бааччы олоҕу олороллоругар, туталларыгар баҕардылар.

IMG_0208

«Саамай тэрээһиннээх нэһилиэк» номинацияҕа Ленскэй нэһилиэк бастакы, Хатыҥ Арыы иккис, Хамаҕатта үһүс миэстэ буоллулар. «Саамай бастыҥ тэрилтэ, хаһаайыстыба» диэн аакка Намнааҕы техникум (Граф Биэрэгэ) бастакы, «Эрэл» ТХПК иккис, «Росток» ТХПК (Модут) үһүс миэстэлэргэ тигистилэр. «Бастыҥ кэтэх хаһаайыстыбаларынан» Саргылана Мухина (Хатыҥ Арыы), Галина Седалищева (Нам), Марианна Винокурова (Хатыҥ Арыы) ааттанан, I, II, III миэстэлэри үллэһиннилэр.

0
0
28 января 28.01
  • -48°
  • $ 73,82
  • 83,32