Өрөспүүбүлүкэ күнүгэр Саха сиригэр муниципалитеттар ардыларыгар саҥа маршрут арыллара былааннанар, Чурапчы — Аллара Бэстээх хайысханан.
Регион тырааныспарга министиэристибэтэ иһитинэрбитинэн, кулун тутар 14 күнүгэр маршрутка тахсар оптуобуһу чинчийии буолла. Санаттахха, уопсастыбаннай тырааныспар Саха АССР 100 сылыгар ананан ылыллыбыта.
Миниистир Владимир Сивцев эппитинэн, суолга ыраах айаҥҥа анаммыт оптуобустар тахсыахтара. Оптуорунньукка Чурапчы, Мэҥэ Хаҥалас улуустарын уонна дьону тиэйээччи-таһааччы хампаанньа бэрэстэбиитэллэрэ айан бириэмэтин, пассажирдар кэтэһэр сирдэрин уонна тохтобуллары быһаардылар.
Оптуобустар тиийбэттэринэн хааччахтардаах буолуоҕа. Ити эрээри, миниистир эппитинэн, өрөспүүбүлүкэ оптуобустарын паарката «ВЭБ.РФ» госкорпорация кыттыылаах саҥардыллыахтаах. Судаарыстыбаннай бюджет суотугар боппуруос быһаарыллыан сөп.
Чурапчы – Аллара Бэстээх хайысханан оптуобус сылдьыытын туһунан бырабыыталыстыба бэрэссэдээтэлэ Андрей Тарасенко отчуот кэмигэр иһитиннэрбитэ.
