Муус устар 30 күнэ Бикипиэдьийэҕэ бэлиэтэммитинэн, Аан дойдуга Джаз күнэ. Арассыыйаҕа баһаарынай сулууспа күнэ. Кэлэр түүн Вальпурга түүнэ — өлгөм үүнүүгэ анаммыт Европа былыргы олохтоохторун бырааһынньыга. Бу түүн кэнниттэн саас кэлбит диэн буолар эбит. Оттон Саха сиригэр, коронавируһунан сибээстээн, Маай бырааһынньыктарыгар дьон ойуурга тахсыытын хааччахтыыр миэрэлэр ылыллаллар
🔹1564 — Дерпт бойобуодата кинээс Андрей Курбскай, Уордаах Уйбаан ыраахтааҕы бэлиитикэтин утаран Польшаҕа куотар. Кинини билигин оонньоон «бастакы диссидент» диэн ааттыыллар.
🔹1945 — сапер, Албан аат уордьанын толору кавалера Ааллаах Үүн оскуолатын бүтэрбит Юрий Калашников Венаны ылыыга хорсун быһыытын иһин иккис Албан аат уордьанын ылбыт.
🔹1954 — Орто Халыма оройуонуттан араарыллан Зырянка кииннээх Үөһээ Халыма оройуона төрүттэммит.
🔹1966 — Өлүөхүмэ Кыыллааҕыттан сылдьар Матрена Корнилова Социалистыы Үлэ Дьоруойун аатын ылбыт.
🔹1975 — Хотугу Вьетнам сэрииһиттэрэ Соҕуруу Вьетнам киин куоратын Сайгону ылбыттар, сэрии түмүктэммит.
🔹2017 — Амматтан сылдьар режиссер Дмитрий Давыдов киинэтэ Омскай куоракка буолбут «Хамсааһын» диэн киинэ бэстибээлигэр икки сүрүн бириэмийэни ылбыт.
Төрөөбүттэр:
🔸1938 — Өлүөрэ нэһилиэгэр Улуро Адо — дьүкээгир бэйиэтэ уонна кэпсээнньитэ, публицист, драматург, тылбаасчыт уонна педагог, дьукээгир букубаарын, тылдьыттарын ааптара, филология билимин дуоктара.
Өлбүттэр:
🔹1942 — Сергей Асямов (01.11.1907 төр.) — Главсевморпуть Өлүөнэтээҕи авиационнай бөлөҕүн лүөччүгэ, Аҕа дойду Улуу сэриитин кыттыылааҕа, Сэбиэскэй Сойуус Дьоруойа (20.06.1942), майор.
🔹1945 — Адольф Гитлер.
🔹1990 — Амма Эмиһигэр саха норуодунай бэйиэтэ Күннүк Уурастыырап, Саха суруйааччыларын Сойууһун солбуйар бэрэстээтэлэ.
https://sah.wikipedia.org/wiki/Муус_устар_30
https://sah.wikipedia.org/wiki/Уордаах_Уйбаан
https://sah.wikipedia.org/wiki/Польша
https://sah.wikipedia.org/wiki/Ааллаах_Үүн
https://sah.wikipedia.org/wiki/Калашников_Юрий_Васильевич
https://sah.wikipedia.org/wiki/Зырянка
https://sah.wikipedia.org/wiki/Үөһээ_Халыма_улууһа
https://sah.wikipedia.org/wiki/Кыыллаах
https://sah.wikipedia.org/wiki/Корнилова_Матрена_Матвеевна
https://sah.wikipedia.org/wiki/Амма_(улуус_киинэ)
https://sah.wikipedia.org/wiki/Давыдов_Дмитрий_Леонидович
https://sah.wikipedia.org/wiki/Улуро_Адо
https://sah.wikipedia.org/wiki/Асямов_Сергей_Александрович
https://sah.wikipedia.org/wiki/Хотугу_байҕал_суолун_сүрүн_дьаһалтата
