Дьокууускай куорат 4 №-дээх полициятын дьуһуурунай чааһыгар фитнес-кулуупка дьарыктанар киһи кэлэн 15 тыһыынчалаах наушнигын сүтэрбитин туһунан үҥсүү түһэрбит. Суһал көрдөөһүн үлэтин түмүгүнэн, холуобунай ирдэбил үлэһиттэрэ уорбаланааччыны туппуттар. Ол курдук уорбаланааччынан, сотрутааҕыта муоста сууйааччынан үлэҕэ киирбит 28 cаастаах эдэр дьахтар буолан биэрбит. Онно биллибитинэн, эмсэҕэлээччи фитнес-кулуупка дьарыктанан баран дьоҕус кабинкаҕа наушнигын хаалларан кэбиспит. Кабинка хатаммат эбит. Муоста сууйааччы кабинканы арыйаат наушник сытарын көрбүт уонна илдьэ барбыт.
ИДьМ пресс-сулууспата иһитиннэрбитинэн, Арассыыйа Федерациятын холуобунай кодексатын 158 ыст. 2 ч. «Уоруу» диэнинэн холуобунай дьыала тэриллибит.
Ульяна Захарова, Саха сирэ
