Үлэ төлөбүрүн кыра кээмэйэ (МРОТ) хамнаһы уонна босуобуйаны, социальнай страховка чэрчитинэн ылыллар төлөбүрдэри ааҕыыга эрэ дьайыаҕа. Атын хайысхаларга туттуллубат. Сокуон ахсынньы 4 күнүгэр ылыллар, суруйар «Парламентская газета».
Холобур, МРОТ-ка киһи үлэтигэр туттар баайын-дуолун сыаната эмиэ сыһыарыллара. Гражданскай процессуальнай кодекска эрдэ суруллубутунан, өскөтүн ити баайа-дуола сүүс МРОТ-тан ыарахан буоллаҕына, төлөттөрүөххэ сөбө. Билигин лимиит чопчу — 10 тыһ солк.
Маннык курдук МРОТ-тан «отвязка» тыа хаһаайыстыбатын кээпэрээссийэтин, унитарнай тэрилтэлэр, тимир суол тырааныспарын ыытыы туһунан сокуоннарга, маны сэргэ тимир суол тырааныспарын Устаабыгар баар. Холобурга, судаарсытыбаннай унитарнай тэрилтэ устааптыыр пуондатын кыра кээмэйэ 5 тыһ МРОТ-тан 500 тыһ МРОК-ка уларыйар буоллаҕына, онтон муниципальнай унитарнай тэрилтэ — 1 000 МРОТ-тан 100 тыһ солк.
This post was published on 04.12.2020 18:01 18:01