Орто Халымаҕа Дьокуускай куораттан быраастар мобильнай биригээдэлэрэ иккис сырыыларынан үлэлии кэллилэр.
Бу иннинээҕи сырыыларыгар, кулун тутарга 1529 киһи доруобуйатын көрбүттэрэ, бу туһунан «Халыма долгуннара» телеграм-ханаал суруйар.
Быраастар үлэлэрин, былаан быһыытынан улуус киин куоратыттан ыраах талаан сытар бөһүөлэктэн, Бастакы Хаҥалас нэһилиэгиттэн саҕалаатылар.
Санатан эттэххэ, Дьокускайдааҕы кииннэммит балыыһа исписэлиистэрэ сырыылаах үлэлэрэ Аартыка улуустарын дьонун-сэргэтин доруобуйаларын көрөр-истэр сыаллаах-соруктаах, Саха Өрөспүүбүлүкэтин Ил Дарханын бачыымынан бу сылтан олоххо киирбитэ.
Мобильнай биригээдэҕэ терапевт, кардиолог, акушер-гинеколог, врач-УЗИ, офтальмолог, невролог, пульмонолог, ортопед, ЛОР уонна педиатр быраастара, лаборант уонна статист үлэлииллэр.
