Ленскэй оройуонугар от ыйын 20 күнүттэн өрөспүүбүлүкэ мобильнай биригээдэтин исписэлиистэрэ үлэлииллэр. Бүгүҥҥү туругунан 182 киһи көрдөрдө, ол иһигэр 152 дьахтар, диэн Саха сирин баһылыгын уонна бырабыыталыстыбатын пресс-сулууспата иһитиннэрдэ.
Мобильнай биригээдэҕэ терапевтар, неврологтар, улуустааҕы диагностика уонна орто медперсонал быраастара бааллар. Биригээдэ Ленскэй, Витим уонна Пеледуй курдук бөдөҥ нэһилиэнньэлээх пууннарга сылдьыахтаах диэн доруобуйа уонна медицинскэй профилактика киинин кылаабынай бырааһа Алена Никитина бэлиэтээтэ.
