Быстах байыаннай хомуурга түбэспит дьон дохуоттара региональнай төлөбүрдэри анааһыҥҥа учуоттаныа суоҕа, диэн өрөспүүбүлүкэ баһылыгын уонна бырабыыталыстыбатын пресс- сулууспата иһитиннэрдэ.
Өрөспүүбүлүкэ бырабыыталыстыбата РФ Сэбилэниилээх күүстэригэр балаҕан ыйын 21 күнүттэн 2022 сылга 647 №- дээх «Российскай Федерацияҕа быстах мобилизацияны биллэрии туһунан» сокуоҥҥа хапсан байыаннай сулууспаҕа барбыт саллааттар дохуоттарын, дьиэ кэргэҥҥэ босуобуйа аныырга учуоттаабат туһунан быһаарыыны ылынна.
Дохуоту учуоттуохтара суоҕа:
оҕо ыйдааҕы босуобуйатын аныырга;
үһүс оҕо төрөөтөҕүнэ (эбэтэр иитэ ыллахха) үс сааһын туолуор диэри төлөнөр босуобуйаҕа;
Сыллата элбэх оҕолоох ыалларга оскуола, спортивнай уонна да атын оҕо таҥаһын атыылаһарга төлөнөр көмө харчыга.
