Бүлүү улууһугар кулун тутар 3-4 күннэригэр Н. Г.Чернышевскай аатынан Бүлүү профпедколледжын базатыгар ыытыллыбыт «Мин уонна настаабынньыгым» II өрөспүүбүлүкэтээҕи куоҥкурус түмүктэннэ..
«Икки күн устата кыттааччылар практическай сорудахтар, маастар-кылаастар уонна аһаҕас дискуссиялар эйгэлэригэр киирэн, онно настаабынньыктар сыаната суох уопуттарын үллэстэн, кинилэр иитиллээччилэрэ ылбыт үөрүйэхтэрин, саҥалыы сыһыаннарын көрдөрдүлэр», — диэн профессиональнай үөрэхтээһини сайыннарыы үнүстүүтүгэр иһитиннэрдилэр.
Куоҥкурус муҥутуур кыайыылааҕынан С.Ф.Гоголев аатынан педагогическай колледжыттан Надежда Дмитриева уонна Алина Куличкина буоллулар. Иккис миэстэни И.Е.Винокуров аатынан Нам педагогическай колледжыттан Наталья Спиридонова уонна Марина Кутукова ыллылар. Үһүс миэстэни С.Ф. Гоголев педагогическай колледжтан Кыыдаана Данилова уонна Дария Васильева туттулар.
«Сыл арыйыыта» номинацияны Николай Тимофеев уонна Владимир Николаев, Бүлүү профпедколледж хамаандата ылла. «Үгэстэри тутуһан – инникини айабыт» номинация — Василий Спиридонов уонна Алексей Петров, эмиэ Бүлүү профпедколледж хамаандата.
