Саха сиригэр «Моя Якутия в XXI веке» бырагырааманан социальнай суолталаах эбийиэктэр тутуллаллар, улуустарга дьыссааттар уонна оскуолалар. Ол туһунан социальнай ситимнэргэ тутуу миниистирин бастакы солбуйааччыта Евгений Афанасьев эттэ, суруйар ЯСИА.
«Үтүө дьыала бырагыраама чэрчитинэн, Өлүөхүмэ Заречнайыгар 60 миэстэлээх оскуола, Өймөкөөн Үчүгэйигэр оскуола тутуллар. Сорох эбийиэктэр Арктика улуустарыгар тутуллаллар», — диэтэ Афанасьев.
Ньурбаҕа оскуола-саад, Кэбээйи Сииттэтигэр дьыссаат тутуллар. Тутуу хаачыстыбата бастакы миэстэҕэ турар. Бары судаарыстыбаннай экспертизаны уонна тутуу хонтуруолун ааһаллар.
Санаттахха, эдэр исписэлиистэргэ кыбартыыралар тутуллаллар «Моя Якутия в XXI веке» бырагырааманан. Олорор дьиэлэр Абый Кэбэргэнэтигэр, Дьааҥы Баатаҕайыгар, Бүлүү Кыһыл Сыырыгар, Нам Харыйалааҕар, Өймөкөөн Өймөкөөнүгэр, Хаҥалас Тиит-Арыытыгар уонна Көрдөмүгэр, Усуйаана Туматыгар, Эбээн Бытантай Кустууругар уонна Орто Халыма куоратыгар тутуллаллар.
