Мииринэй куоратыгар 2017 сыл атырдьах ыйын 4 күнүгэр «Мир» шахта саахалыгар суорума суолламмыт аҕыс шахтерга аналлаах пааматынньык аһыахтара. Бу күннэргэ комплексы түмүктүүр үлэлэр бараллар.
Архитектурнай-мемориальнай комплекс «Шахтердарга памятниктан» итиэннэ мемориальнай таастан турар. Комплекс доруобуйаларыгар хааччахтаах дьон сылдьарыгар табыгастаах гына оҥоһуллубут, киһи олорон сынньанар сирдээх, күөх зоналардаах, түүннэри уоттаах. Эбийиэги видеокамераларынан кэтиэхтэрэ.
Улуус дьаһалтатын пресс-сулууспата иһитиннэрэринэн эбийиэк табыллыбыт, сотору аһыллара былааннанар.
This post was published on 28.09.2020 15:02 15:02