Төрүт норуоттары түмэр аасоциация үлэлээбитин 29 сылын тухары былаас уонна Хоту дойду аҕыйах ахсааннаах төрүт норуоттарын хардарыта сибээстэһиилэрин ураты тиһигэ олохтонно.
“Өрөспүүбүлүкэ Хоту дойду аҕыйах ахсааннаах төрүт норуоттарын анаан-минээн өйүүр, общиналар материальнай-техническэй баазалара сайдарыгар үлэни ыытар. Маны сэргэ регион коммерческайа суох тэрилтэлэр бырайыактарын өйүөҕэ, итиннэ оҕолор таба ыстаадаларыгар уонна балык хаһаайыстыбатыгар дьарыктаах буолууларын хааччыйыыга тиийэ”, — диэтэ өрөспүүбүлүкэ бырабыыталыстыбатын баһылыгын солбуйааччы Михаил Гуляев сийиэс кэмигэр тыл этэригэр.
Сийиэс биэс сылга биирдэ буолар. Тэрээһиҥҥэ ассоциация устаабыгар эбиилэр уонна уларытыылар киириэхтэрэ, бэрэсидьиэни уонна ассоциация салайар уорганнарын талыахтара.
