Ил Дархан Айсен Николаев судаарыстыбаннай транспортнай лизинговай хампаанньа генеральнай дириэктэрэ Евгений Дитрихтыын Ленскэй бассейн таһаҕаһы уонна пассажирдары тиэйэр флотун саҥардыыга сөбүлэҥҥэ илии баттаатылар.
Сөбүлэҥ чэрчитинэн, «Метеор 120Р» сериялаах икки суудунаны «ЛОРП» туттуутугар анаан оҥоһулларын дуогабардастылар. «Таһаҕас уонна пассажирдары тиэйэр суудуналар эргэриилэрэ — кыһалҕалары үөскэтэр. Биһиги суудуналары субсидиялар уонна судаарыстыбаннай мэктилэринэн былаан быһыытынан саҥардыахтаахпыт. Түһэрсиллибит сөбүлэҥ онно уһун кэмҥэ көмө буолуоҕа», — диэтэ Николаев.
