13 От ыйа 13.07
  • 28°
  • $ 87,74
  • 95,76

Мэдиссиинэ национальнай киинигэр Корея дэлэгээссийэтэ ыалдьыттаата

Читайте нас на
Яндекс Новости
ЯДВ

Корея Өрөспүүбүлүкэтин Иркутскай куоракка Генеральнай консульствотын дэлэгээссийэтэ М.Е.Николаев аатынан Мэдиссиинэ национальнай киинигэр сырытта.

Корея Өрөспүүбүлүкэтин Генеральнай консульствотын састаабыгар генеральный консул Хан Сок Чин, консул Пак Хён До, консульство үлэһитэ Виктория Шойропова бааллар. Ону таһынан көрсүһүүгэ Арассыыйа Ис дьыалаҕа министиэристибэтин Дьокуускай куоракка бэрэстэбиитэлэ  Вера Сидорова кытынна.

Мэдиссиинэ национальнай киинин генеральнай дириэктэрэ Станислав Жирков көрсүһүү кэмигэр икки өрөспүүбүлүкэ балыыһаларын үлэлэрин-хамнастарын билиһиннэрдэ. Ыалдьыттар мэдиссиинэ-генетика, кардиология-тымыр кииннэригэр сылдьан, генетика сулууспатын үлэтин билистилэр уонна кинилэргэ мэдиссиинэ үрдүк технологиялаах көмөтүн оҥорор кыах бэрилиннэ. Ыалдьыттар ону сэргэ сиэрбис сулууспатын үлэтин сэргээтилэр.

Станислав Николаевич иһитиннэрбитинэн, Мэдиссиинэ  национальнай киинэ  Корея Өрөспүүбүлүкэтин мэдиссиинэтин тэрилтэлэрин кытары хардарыта бииргэ  үлэлээбитэ хайыы үйэ  хас да сыл буолла. 2021 сыллаахха Чоннам Национальнай университетын Хвасун балыыһатын (Кванджу куорат) кытары бииргэ үлэлииргэ сөбүлэһии түһэрсибиттэрэ. 2022 сылтан Ыраахтан сүбэлиир киин базатыгар телемэдиссиинэ көмөтүнэн сүбэ-ама биэрэллэр. Онон эмтэнээччилэр өрөспүүбүлүкэ тас өттүгэр бара сатаабакка, Корея килииникэлэрин сүрүн быраастарын “иккис санааларын” истэр, онтон Саха сирин быраастара эмтээһиҥҥэ Кореятааҕы биир идэлээхтэрин кытары үлэ ньыматын тэҥнээн көрөр кыахтаахтар.

Надежда Егорова, Саха сирэ

Следите за самым важным и интересным в Telegram-канале и WhatsApp-группе ЯСИА
Тутаах тыллар