Бүгүн, от ыйын 2 күнүгэр, Аллараа Бэстээх бөһүөлэгэр «Бизнес-инкубатор» киинигэр уочараттаах социальнай хантыраак хамыыһыйата ыытылынна. Бу туһунан Мэҥэ Хаҥалас улууһун дьаһалтатын пресс-сулууспата биллэрэр.
Ороссолуода, Төҥүлү нэһилиэктэриттэн, Аллараа Бэстээх бөһүөлэгиттэн барыта 3 сайаапка көрүлүннэ.
Улуус баһылыгын социальнай уонна имиджевэй бэлиитикэҕэ солбуйааччы Татьяна Егорова бэрэссэдээтэллээх хамыыһыйа быһаарыытынан биир үлэ көрдөөһүнүгэр уонна биир бэйэ дьыалатын тэриниигэ көмө оҥоһулунна.
Ону таһынан, 2024 сыллаахха социальнай хантыраак ылбыт дьон үлэлэрин түмүгүн: төһө дохуот киллэриммиттэрин, хайдах дьаһанан үлэлии-хамсыы сылдьалларын отчуоттаатылар. Хамыыһыйа састааба ыытыллыбыт үлэ төһө көдьүүстээҕин сыаналаата.
