Мэҥэ Хаҥалас улууһун Дьабыыл нэһилиэгэр Лариса уонна Егор Ивановтар дьиэ кэргэн 500 төбө көтөрү иитэр ферманы тутан үлэҕэ киллэрдилэр, НВК Саха телеграм-ханаал үлэлиир.
Лариса Афанасьевна бройлернай кууруссаларынан дьарыктаммыта биэс сылтан орто, гран куонкуруһугар кыттан, өйөбүл ылан, кэҥэттинэр былаанын олоххо киллэрдэ.
Салгыы сайылык туттар, тоҥорор оборудование ылынар былааннаахтар. Ону тэҥэ бу салааҕа сыстыан баҕалаах оҕолору үөрэтэргэ агро хайысхалаах оскуоланы кытта ыкса үлэлэһэр баҕалаахтар.
Ивановтар дьиэ кэргэн түргэнник ситэр салааны сайыннаран нэһилиэнньэни ыраас, сибиэһэй аһынан хааччыйар, олохтоохтор кинилэр бородууксуйаларын сөбүлээн атыылаһаллар.
