Башкортостан сэтинньи 28 күнүгэр устудьуоннар ортолоругар мас рестлиҥҥэ аан дойдутааҕы күрэхтэһиини ыытыаҕа. Кыттааччыларынан 18-тан 25-гэр диэри саастаах эдэр спортсменнар буолуохтара, диэн ЯСИА иһитиннэрэр.
Араас дойдулартан кэлбит устудьуоннар саха национальнай көрүҥэр аан дойдутааҕы турнирга кыттыахтара. Мас-рестлинг күрэхтэһиилэрэ Уфаҕа Рима Баталова аатынан спортивнай бэлэмнэнии киинин базатыгар ыытыллыахтара.
Эр дьон ортотугар 60, 70, 80, 90, 105 кг диэри уонна 105 киилэттэн тахса ыйааһыннарга, ону тэҥэ дьахталларга 50, 60, 70, 80, 80 кг диэри, 80-тан тахса киилэҕэ кыайыылаахтар уонна призердар быһаарыллыахтара.
Турнир тус зачекка эрэ буолбакка, хамаандалар ортолоругар бастыҥнары быһаарыаҕа. Мас рестлинг национальнай федерациялара 33-кэ диэри спортсмены, Бүтүн Россиятааҕы мас рестлинг федерацията 22 киһиэхэ тиийэ киллэриэхтэрин сөп, ол эрээри хас ыйааһыҥҥа икки мас рестлертан ордуга суох буолуохтаах.
