Мас-рестлиҥҥэ Саха сиригэр бастыыр иһин күрэхтэһиигэ Үөһээ Бүлүү улууһа сөҕүмэрдик кыайда

Хаартыска: ЯСИА саайта

Читайте нас на

Үөһээ Бүлүү улууһун сүүмэрдэммит хамаандата Саха сиригэр уолаттар уонна кыргыттар ортолоругар мас-рестлиҥҥэ кыайыылаах кубогын сөҕүмэрдик ылла. Урукку сылларга хамаанда оннооҕор призердар ахсааннарыгар киирэрэ уустук этэ. Бу сырыыга үөһээ бүлүүлэр күүстээхтэрин көрдөрдүлэр, диэн ЯСИА иһитиннэрэр.

Саха сирин 2009-2010 сылларга төрөөбүт уолаттар уонна кыргыттар ортолоругар күрэхтэһии Горнай улууһун Бэрдьигэстээх нэһилиэгэр олунньу 28 күнүттэн кулун тутар 1 күнүгэр диэри ыытыллыбыта. Кыттыылаахтарынан 19 муниципальнай хамаандаттан 180-ча спортсмен буолла.

Бу күрэхтэһиилэргэ үгэс быһыытынан Мэҥэ Хаҥалас, Уус Алдан, Таатта уонна да атын улуустар сүүмэрдэммит хамаандалара бастыыллара, оттон быйыл Үөһээ бүлүү оройуонун хамаандата бастакы миэстэни ылла. Кинилэр хамаандаларыттан кыһыл көмүс мэтээллэринэн Серафим Петров (75 кг), Саян Саввинов (80 кг), Харысхан Габышев (90+ кг), үрүҥ көмүс призердарынан Мария Бусель (70 кг), Алексей Бережнев (55 кг), Александр Захаров (60 кг) буоллулар, боруонса наҕараадалары Наталья Егорова (50 кг), Туйаара Титова (55 кг), Саян Соргоев (65 кг) ыллылар.

«Мин өйдүүрбүнэн, мас-рестлинг билиҥҥи историятыгар Үөһээ Бүлүү улууһа бу күрэхтэһии кыайыылааҕын кубогын аан бастаан ылла. Үс эбэтэр түөрт сыл анараа өттүгэр үһүс миэстэни ылбыппыт, үксүгэр призердар ахсааннарыгар да киирбэтэхпит. Биһиги хамаандабыт тоҕус мэтээлгэ тигистэ, ону тэҥэ түөрт Үөһээ Бүлүү спортсмена Россия күрэхтэһиитигэр кытталларыгар Саха сирин сүүмэрдэммит хамаандатыгар миэстэлэрин мэктиэлээтилэр. Бу улахан үлэ түмүгэ. Биһиги улууспутугар мас-рестлиҥҥэ икки оҕо тренерэ, миэхэ түөрт уонча эдэр спортсмен дьарыктанар. Салгыы кэлэр дьоһуннаах күрэхтэһиилэргэ хамаанданы бэлэмниэхпит», — диэн кэпсээтэ Үөһээ Бүлүү улууһун ыччат хамаандатын тренерэ Геннадий Охотин.

Иккис миэстэҕэ Таатта улууһа таҕыста, Дьокуускай сүүмэрдэммит хамаандата үһүс буолла. Күрэхтэһии түмүгүнэн, муус устарга Чебоксарга ыытыллар Россия күрэхтэһиитигэр кыттарга өрөспүүбүлүкэ сүүмэрдэммит хамаандатын састааба быһаарылынна. Кыттааччылар 16 ыйааһыҥҥа мэтээллэри оонньоотулар. Дойду күрэхтэһиитигэр сүүмэрдээһин уолаттар ортолоругар 50, 60, 70, 80, 90-тан тахса кг ыйааһыҥҥа, ону тэҥэ кыргыттар ортолоругар 50, 60, 70, 70-тан тахса кг ыйааһыҥҥа ыытыллыбыта.

Санатан эттэххэ, тохсунньуга Саха сирин баһылыга Айсен Николаев Амма оройуонугар оробуочай сырыытын кэмигэр өрөспүүбүлүкэ мас-рестлинг Федерациятын президенэ Анатолий Баишевы кытта көрсүбүтэ. Көрсүһүүгэ мас-рестлины сайыннарыы, спорт национальнай көрүҥнэрин көҕүлээһиҥҥэ бырайыактары өйөөһүн, оҕолору уонна ыччаты физкультуранан утумнаахтык дьарыктааһыҥҥа кытыннарыы туһунан кэпсэппиттэрэ.

Кыайыылаахтар уонна призёрдар:

45 кг диэри: 1. Рената Домотова (Уус Алдан), 2. Элеонора Черноградская (Мэҥэ Хаҥалас);
50 кг диэри: 1. Зоя Охлопкова (Уус Алдан), 2. Карина Протопопова (Уус Алдан), 3. Арианна Афанасьева (Мэҥэ Хаҥалас), 3. Наталья Егорова (Үөһээ Бүлүү);
55 кг диэри: 1. Илона Другина (Дьокуускай), 2. Самаана Ильинова (Мэҥэ Хаҥалас), 3. Туйаара Титова (Үөһээ Бүлүү), 3. Лена Баишева (Дьокуускай);
60 кг диэри: 1. Марина Федорова (Амма), 2. Диадора Другина (Амма), 3. Далана Черемкина (Дьокуускай), 3. Аида Никитина (Дьокуускай);
65 кг диэри: 1. Алена Прокопьева (Мэҥэ Хаҥалас), 2. Виктория Трофимова (Мэҥэ Хаҥалас), 3. Нарыяна Николаева (Дьокуускай), 3. Алексина Саввина (Эдьигээн);
70 кг диэри: 1. Айыына Нестерева (Уус Алдан), 2. Мария Бусель (Үөһээ Бүлүү), 3. Эвелина Михайлова (Горнай), 3. Вера Жиркова (Ньурба);
70+ кг: 1. Алекса Семенова (Горнай), 2. Валерия Николаева (Сунтаар), 3. Сайаана Аргунова (Амма), 3. Галина Федорова (Мэҥэ Хаҥалас);
50 кг: 1. Евгений Говоров (Чурапчы), 2. Эдгар Васильев (Дьокуускай), 3. Айсен Пономарев (Чурапчы), 3. Эрсан Михайлов (Ньурба);
55 кг: 1. Айсиэн Васильев (Сунтаар), 2. Алексей Бережнев (Үөһээ Бүлүү), 3. Сайаан Федоров (Горнай), 3. Игнат Владимиров (Чурапчы);
60 кг: 1. Игорь Лотов (Дьокуускай), 2. Александр Захаров (Үөһээ Бүлүү), 3. Константин Егоров (Сунтаар), 3. Артур Вензель (Горнай);
65 кг: 1. Сахайаан Бурнашев (Таатта), 2. Саян Горохов (Дьокуускай), 3. Дмитрий Петров (Амма), 3. Саян Соргоев (Үөһээ Бүлүү);
70 кг: 1. Вальгис Данилов (Горнай), 2. Антон Сидоров (Дьокуускай), 3. Эрэл Сивцев (Уус Алдан), 3. Ренат Николаев (Дьокуускай);
75 кг: 1. Серафим Петров (Үөһээ Бүлүү), 2. Альберт Ноговицын (Чурапчы), 3. Анатолий Дьяконов (Таатта), 3. Айсиэн Олесов (Уус Алдан);
80 кг: 1. Саян Саввинов (Үөһээ Бүлүү), 2. Роман Тарабукин (Дьокуускай), 3. Эрчим Гоголев (Уус Алдан), 3. Владислав Адамчик (Томпо);
90 кг: 1. Арсений Баишев (Мэҥэ Хаҥалас), 2. Рустам Семенов (Горнай), 3. Арсен Васильев (Сунтаар), 3. Айдын Аввакумов (Таатта);
90+ кг: 1. Харысхан Габышев (Үөээ Бүлүү), 2. Юрий Кривошапкин (Томпо), 3. Артем Шепелев (Хаҥалас), 3. Андрей Илларионов (Амма).

Следите за самым важным и интересным в Telegram-канале и WhatsApp-группе ЯСИА