НВК САХА – Россия бэрэсидьиэнин сүбэһитэ Антон Кобяков Малайзия ыксаллаах уонна боломуочуйалаах посуола Мат Дрис Якубы кытары Малайзия делегацията V Илиҥҥи экономическай пуорумҥа кытыыны ылыытын туһунан кэпсэтии ыытта. Бу туһунан Росконгресс пуондата иһитиннэрдэ.
«Россия Малайзияны кытары атыы-эргиэн, байыаннай уонна гуманитарнай хайысхаларга эргинсиигэ ыкса үлэлэһиини сайыннарар интэриэстээх. Дойдуларбыт атыы-эргиэн эйгэтигэр бииргэ үлэлэһиилэрэ тэтимнээхтик сайдарын туһугар Малайзия дойдутун Евразэһы кытары хардарыта дьайсыыга ыҥырабыт», – диэн Антон Кобяков бэлиэтиир.
2019 сылга Россия маҥнайгытын Малайзия делегациятын үрдүк таһымҥа көрүстэ.
«Малайзия делегациятын пуорумҥа дойду премьер-миниистирэ Махатхир Мохамад салайыа», – диэн Мат Дрис Якуб кэпсээтэ.
Ону тэҥэ көрсүһүү кэмигэр Малайзия премьер-миниистирэ Илиҥҥи экономическай пуорумҥа кыттыытын бырагыраамматын кэпсэттилэр.
V Илиҥҥи экономическай пуорум Владивосток куоракка балаҕан ыйын 4-6 күннэригэр ыытыллыаҕа.
Источник: http://nvk-online.ru
This post was published on 02.09.2019 09:35 09:35