Олунньу 24-25 күннэригэр Мэҥэ Хаҥалас улууһун Майа сэлиэнньэтигэр «Дьоллоох оҕо саас» диэн хаар оҥоһуктарга өрөспүүбүлүкэтээҕи бастакы аһаҕас куонкурус буолан ааста.
Куонкуруска Муома, Таатта, Нам, Мэҥэ Хаҥалас улуустарыттан уонна Дьокуускай куораттан кыттааччылар күрэхтэһэ кэлбиттэр.
Дьокуускайтан Васильевтар «Шрек дьиэ-кэргэнинээн» диэн ааттаах оҥоһуктара бастакы миэстэни ылла.
«Райя и последний дракон» диэн Майаттан Петуховтар дьиэ кэргэн хаар оҥоһуктара иккис миэстэҕэ тиксэн, үөрбүттэр-көппүттэр.
Онтон үһүс бириистээх миэстэни «Как укротить дракона» диэн ааттаах оҥоһук ылбыт. Ааптардар — Намтан Аргуновтар дьиэ-кэргэн.
Майаттан Мохначевскайдар дьиэ кэргэн «Саха» НКИХ анал бирииһин ылла. 10 000 солк сертификатынан наҕараадаланнылар.
Талааннаах биир дойдулаахтарбыт ханна да буоларын курдук бары үрдүк таһымнарын көрдөрдүлэр, суруйда @nvk_sakha
