Балаҕан ыйын 30 күнүгэр, Дьокуускай куорат “Дохсун” спортивнай комплексыгар бырааһынньыктааҕы флешмоб буолла. Тэрээһин «Спасибо, что #МЫВМЕСТЕ » Бүтүн Россиятааҕы акция чэрчитинэн ыытылынна уонна Донецк уонна Луганск народнай өрөспүүбүлүкэлэрин, ону тэҥэ Запорожскай уонна Херсон уобаластарын Российскай Федерациялыын холбооһуҥҥа ананна. Акцияҕа икки сүүс кэриҥэ киһи кытынна, диэн ЯСИА иһитиннэрэр.
“Буойун” ыччаты байыаннай-спортивнай бэлэмнээһин уонна патриотическай иитии киинин инструктор-методиһа Айсен Иванов холбоһук ДНР уонна ЛНР олохтоохторугар олус улахан суолталаах күн буоларын бэлиэтээтэ, аҕыс сыл күүппүттэрэ.
«Биһиги бу событиены сыл аайы үөрэ-көтө бэлиэтиибит, маннык тэрээһиннэр ыччакка патриотическай идентичноһы үөскэтэллэр, эйэни, сөбүлэһиини сыаналыырга үөрэтэллэр. Бүгүн 200-тэн тахса Саха сирин олохтооҕо Россия регионнарын ахсаанын кэрэһилиир 89 ахсааны оҥордо» — диэн Айсен Иванов кэпсээтэ.
Санатар буоллахха, тэрээһини Дьокуускай куорат уокуруктааҕы дьаһалтатын уопсастыбаннай сибээс уонна ыччат бэлиитикэтин управлениетын кытта “Патриот” ыччат киинэ тэрийдэ.
