Саха сирин суолга управлениетын бирикээһинэн, бэс ыйын 13 күнүттэн, «Мүрү» уонна «Өймөкөөн» айан суолларынан сырыы көҥүллэннэ.
«Мүрү» айан суолугар Арыылаах, Сыырдаах уонна Бороҕон сэлиэнньэлэрин икки ардыгар сырыы аһылынна. Быйыл саас халаан содулуттан бу хайысхаларынан айан суолун 108+600 км уонна 122+900 км учаастактара суураллан алдьаммыттара.
Бу учаастактарынан сырыы 20 туоннаттан улахана суох уйуктаах тырааныспардарга эрэ көҥүллэнэр.
Санатар буоллахха, СӨ тырааныспарын министиэристибэтин бирикээһигэр олоҕуран «Мүрү» уонна «Өймөкөөн» айан суолларынан быстах кэмҥэ хааччахтааһын оҥоһулла сылдьыбыта.
Сайаана Львова, Саха сирэ
