Сэтинньи 25 күнүгэр Ленскэйгэ хотон умайда. Уот 20 кв.м. иэннээх тутууну сиэтэ. Ол туһунан ЫБММ Саха сиринээҕи салаата иһитиннэрдэ.
Водников уулуссаҕа баһаар буолбутун туһунан иһитиннэрии куорат баһаарынайыгар 07:34 чааска киирэр. Исписэлиистэр сэттэ мүнүүтэнэн кэлэллэр. Кинилэр хотон таһыгар турар дьиэни быыһыыллар.
Барыллаан быһаарыынан, хотон умайыыта оһоҕу туттууга быраабыланы кэһииттэн тахсыбыт. Буруйдаахтар уонна хоромньу ааҕыллар.
Уоту умуруорууга аҕыс исписэлиис уонна икки техника кытынна.
