Ленскэй оройуонугар ойуур баһаардарынан от ыйын 15 күнүгэр биллэриллибит муниципальнай таһымнаах ЧС эрэһиимэ тохтотулунна. От ыйын 31 күнүгэр, үс уот баара бэлиэтэнэр. Ааспыт сууккаҕа үс уот бохсулунна.
«Ардах түһэн балаһыанньа тубуста. Арҕаа уонна илин борт-зондировщик үлэлээтэ, онон элбэх уот тахсыыта бохсулунна. Билигин баһаарга 41 киһи кыттар. Кыах уонна күүс баар. Нэһилиэнньэлээх пууннарга куттал суоһаабат. Онон ЧС эрэһиимин тохтоттубут», — диэтэ оройуон дьаһалтатын производственнай сайдыыга управление начальнига Иван Беляев.
