Түөрт этээстээх дьиэ 37 кыбартыыралаах — биирдии, иккилии уонна үстүү хостоох, иэнэ 40 — 50 кв. м. Дьиэ кадр боппуруоһун быһаарыыга суолталаах дьаһал буолуоҕа, диэтэ оройуон баһылыгын солбуйааччыта Александр Юринок.
«Бырайыак квалифицированнай быраастары, учууталлары уонна атын исписэлиистэри атын регионтан аҕалыыга көмөлөһүөҕэ. Бу барыта улууспут олоҕун таһыма үрдүүрүгэр олук буолуоҕа», — диэтэ кини.
Бэдэрээччигинэн «Полярная звезда» хампаанньа үлэлиир. 2025 сылга истиэнэтин, тас ситимин таҥыытын уонна өстүөкүлэлээһини толоруохтара. Тас үлэтэ уонна итиини киллэрии 2026 сылга былааннанар.
