Дьокуускайга Саха Өрөспүүбүлүкэтин нэһилиэнньэ олоҕор-дьаһаҕар куттал суох буолуутун хааччыйар Судаарыстыбаннай кэмитиэт хапсаҕайга аһаҕас күрэҕэр Өлөөн тустууга ситиһиилэннэ. Ол туһунан «Сардаҥа» хаһыат бэйэтин инстаграм-сирэйигэр суруйда.
Күрэхтэһии иккис күнүгэр, биир саамай элбэх кыттааччылаах 65 киилэҕэ диэри ыйааһыҥҥа, Өлөөн бэрэстэбиитэлэ, хапсаҕайга Саха Өрөспүүбүлүкэтин успуордун маастара Петр Софронов дьоһун ситиһиилэннэ.
Петр быһаарыылаах киирсиигэ өрөспүүбүлүкэ биир күүстээх хапсаҕайдьыта Вилюян Иванову кытта көрүстэ. Тэҥ баайыылаах бөҕөстөр күөн көрсүһүүлэригэр бу сырыыга кыайыы өрөгөйө Үөһээ Бүлүү хапсаҕайга оскуолатын иитиллээччитигэр мүчүк гынна. Онон Петр Софронов бу улахан таһымнаах күрэххэ бочуоттаах иккис миэстэни ылары ситистэ.
Күрэхтэһиигэ өрөспүүбүлүкэ 27 улууһуттан 337 бөҕөс, ол иһигэр 111 ССРС, Россия, Саха Өрөспүүбүлүкэтин успуордун маастардара уонна маастарга кандидаттара күрэс былдьастылар.
