«ВИС» бөлөх Саха сиригэр Өлүөнэ муостаны тутууга эбии кыаҕы киллэрэр. Тиэхиньикэни уонна сири үүттүүр тэрили уҥа кытылга тиэрдэргэ Тамма өрүһү туоруур паром сырыытын тэрийдэ, ол туһунан холдинг пресс-сулууспата иһитиннэрдэ.
«Уҥа кытылга барыта 19 тирэх тутуллуоҕа, ол анныгар 341 сыбаайа ууруллуоҕа. Паром тутуу хаамыытын тохтоло суох хааччыйыаҕа уонна матырыйааллары, техниканы түргэнник тиэрдэргэ кыаҕы биэриэҕэ», — диэн иһитиннэриигэ этиллэр.
Билигин уҥа кытылга иккис бетон собуотун таҥыы түмүктэнэрэ бэлиэтэнэр. Үлэ хаҥас кытылга эмиэ ыытыллар, онно тутуу хаамыытын атырдьах ыйын 11 күнүгэр Россия тырааныспарга министиэристибэтин научнай киинин дириэктэрэ Артур Романенко, технологическай былаһааккаҕа сылдьан, сыаналаабыта.
Өлүөнэ муостатын тутуу Россия биир саамай уустук инфраструктурнай бырайыага буолар. Аан дойду практикатыгар геологическай, климатическай уонна гидрологическай фактордар холбоһуктарынан ыытыллар.
