«Дойду президенин сорудаҕынан уонна өрөспүүбүлүкэ тырааныспарга кыһалҕаларын учуоттаан, тырааныспар систиэмэтин сайдыытын сүрүн боппуруостарын быһаарыстыбат. Сүрүн тиэмэбитинэн Дьокуускай оройуонугар Өлүөнэ өрүһү туоруур муоста туһунан буолла. Бу дойду биир сүрүн инфраструктурнай бырайыага буолар. Билигин ыытылла турар үлэлэр тустарынан кэпсээтим. Муоста сылы эргиччи тырааныспар сибээһин олохтуур уонна өрөспүүбүлүкэ экономикатыгар күүстээх импульс биэрэр», — телеграм-ханаалыгар Айсен Николаев суруйда.
Бүгүҥҥү күҥҥэ уҥа биэрэккэ туруоруллар үс коффердамтан бастакыта 93% бэлэм.
Маны сэргэ өрүттэр көрсүһүүлэригэр «Халыма» уонна «Бүлүү» федеральнайдааҕы тыраассалары саҥардыы үлэтин туһунан кэпсэттилэр. Муосталары тутуу, кыһыҥҥы суоллар кыһалҕаларын быһаарыы, кутуу суоллары туоратыы.
«Россия тырааныспарга министиэристибэтигэр уонна тус Андрей Сергеевичка өйөбүллэрин иһин махтанабын. Бары бииргэ Саха сирин сайдыытыгар уонна дьон олоҕун хаачыстыбата тупсарыгар анаммыт сүрүн бырайыактар олоххо киириилэрин кыайыахпыт», — диэтэ Ил Дархан.
