Кирилл Бычков эппитинэн, үлэ көхтөөхтүк барар, кыраапыгы уонна сезон уларыйыытын тутуһан. Быйыл түөр тирэх уҥа биэрэктэн оҥоһуллар. Хас биирдии тирэх 20 сыбаайаҕа турар, уһуна 28 — 42 миэтэрэ. Сыбаайаны туруоруу күһүн саҕаланыыта бүтүөхтээх.
«ВИС» группа тутууга бырайыак дириэктэрэ Антон Крупнов эппитинэн, бүгүҥҥү күҥҥэ хаҥас биэрэккэ 73 сыбаайаҕа үүттүүр үлэ ыытылынна. «Кулун тутар бүтүүтэ сири үүттүүр техника аҕалан, үлэ саҕаланна уҥа биэрэккэ. Билигин сыбаайаҕа штамповай чинчийии барар, үүттүүр үлэни оҥорорго кыаҕын бигэргэтээри», — диэтэ кини.
Эбийиэк тутуутугар барыта 400 киһи уонна 150 техника кыттар.
Хаартыска: Саргын Скрябин/ЯСИА
Эрдэ ЯСИА Өлүөнэ муостатын тутууга Россияҕа аан бастаан «наплавной коффердамнары» тутталларын суруйбута.
