Арассыыйа СК тырааныспарга илиҥҥи регионнар икки ардыларынааҕы силиэстийэлиир управлениета Өлүөнэ өрүскэ буолбут кыра кээмэйдээх судно ыытааччытыгар холуобунай дьыала силиэстийэтин түмүктээтэ. Эр киһи уу тырааныспарынан айаҥҥа куттала суох буолуу быраабылатын кэһэн, киһи өллө.
Силиэстийэ быһаарбытынан, бэс ыйын 11 күнүгэр 2025 сыллаахха сууттанааччы, икки пассажирдаах регистрацияламматах кыра судноны ыытан, кэһии таһаарда. Суудуна техническэй бэрэбиэркэлээһини ааспатаҕа, алдьаныылааҕа биллэр. Айанныыр кэмигэр суудуна ыытааччы буруйунан биир пассажир суудуна муннугар тахсан, уу тырааныспара эмискэ эргийэн таҕыста. Оҥочоҕо баар дьон бары ууга түһэллэр.
Хомойуох иһин, быыһыыр жилета суох сылдьар пассажирдартан биирдэстэрэ ууга былдьанар.
Хомуллубут дакаастабыллар дьыаланы суукка тиэрдэри сөбүнэн аахтылар. Буруйдаах киһиэхэ РФ УК-гар сөп түбэһиннэрэн накаастабыл көрүллүөҕэ.
