Бу сыл олунньу ыйтан саҕалаан, быраастар биригээдэлэрэ Өлүөхүмэ улууһун биэс тыһыынчаттан тахса олохтооҕун доруобуйаларын көрдүлэр. Саҥыйахтаах, Чапаев, Токко куустарыгар, маны сэргэ Заречнай, Троицкай нэһилиэнньэлээх пууннарыгар сырыттылар. Ыраах сытар Тээнэ уонна Куду Күөл олохтоохторугар анаан көтөр аалынан тиийэ сырытталар. Ол туһунан доруобуйа харыстабылын министиэристибэтин пресс-сулууспата иһитиннэрдэ.
Биригээдэҕэ терапевт, педиатр, кардиолог, невролог, офтальмолог, психиатр-нарколог, хирург уонна ультразвуковой диагностика бырааһа бааллар. Ыраах сытар сэлиэнньэлэргэ стоматолог үлэлээтэ.
Сааскы халаан уутугар эмсэҕэлээбит 1, 2 — Нөөрүктээйи олохтоохторугар өрөспүүбүлүкэтээҕи уопсастыбаннай доруобуйа уонна медицина профилактикатын киинин мобильнай биригээдэтэ үлэлээтэ. Кинилэр 500-тэн тахса киһини көрдүлэр.
Санаттахха,«Республиканский центр мобильных бригад» бырайыак Ил Дархан Айсен Николаев көҕүлээһининэн ыытыллар.
