Кырыкыйга бензин, сэлээркэ тиэллэн кэллэ. «Суол хаалыытын баттаһа кэлбититтэн олуһун үөрэн олоробут», — дииллэр олохтоохтор.
Үөһээ Бүлүү улууһун кытыы сытар нэһилиэгэр техника уматыгын тириэрдии тыын суолталаах боппуроуһунан буолар. Онон бензин, сэлээркэ тиэллэн кэлээтин кытта, нэһилиэк эр дьоно түмсэ охсон, дьаһайан-дьүһэйэн кэбистилэр. Кэлбити барытын хараллар миэстэтигэр буллардылар, кураанах тааралары төттөрү тиэйэн ыыттылар.
«Хаайтарыы кэмигэр суола-ииһэ суох, ыраах сиргэ олорон, сүөһү-сылгы ииттэрбитигэр, маспытын-оппутун дьаһанарбытыгар, тиэйэрбитигэр саамай наадалаах ирдэбилбитин нэһилиэкпит баһылыга Сергей Яковлевич Сергеев туруорсан, үһүс сылын эрдэттэн хааччыйан, кыһалҕа диэни билбэккэ олорорбутугар улахан махталбытын тиэрдэбит«, — диэтилэр кырыкыйдар.
This post was published on 13.04.2020 10:04 10:04