11 Атырдьах ыйа 11.08
  • 16°
  • $ 60,45
  • 61,7

Кыргызстааҥҥа Максим Аммосов пааматынньыгар сибэкки уурулунна

09:03, 28 апреля
Текст:

«Азия оҕолоро» Оонньуулар норуоттар ардыларынааҕы кэмитиэт президенэ  Владимир Максимов Бишкеккэ сылдьан, политическай деятель Максим Аммосов пааматынньыгар сибэкки уурда.

Саха Өрөспүүбүлүкэтин судаарыстыбаннаһын күнүгэр Владимир Максимов биллэр государственнай деятель Максим Аммосов пааматынньыгар сибэкки уурда. Бэлиэтээн эттэххэ, Аммосов Саха Өрөспүүбүлүкэтин суверенитетын таһынан, өссө Киргизскэй ССР сайдыытыгар кылаатын киллэрбитэ. Кини салалтатынан 1937 сыллаахха Кыргызстан Конституцията ылыллыбыта.

«Саха АССР 100 сыллаах үбүлүөйүн бэлиэтиир күнүгэр биһиги Кыргызскай өрөспүүбүлүкэҕэ кэлбиппит үөрдэр. Биһиги өрөспүүбүлүкэбитин төрүттээччилэртэн биирдэстэрэ Максим Кирович Аммосовка биһиги махтанабыт. Өрөспүүбүлүкэ олохтоохторун эҕэрдэлиибин. Туруктаах буолууну, сайдыыны баҕарабын» — диэтэ Владимир Максимов.

Следите за самым важным и интересным в Telegram-канале и WhatsApp-группе ЯСИА
1
0