Дизентерия палочкалара, сальмонеллалар, паразиттар уонна да атын патогеннай бактериялар уу ааһар ситимигэр киириэхтэрин сөп. Саха сиринээҕи Роспотребнадзорга кыран уутугар туох инфекция баар буолуон сөбүн кэпсээтилэр.
«Уу ааһар ситимигэр инфекция баар диэн — бу кырдьык, миф буолбатах. Кыраан уутугар микроорганизм баар буолуон сөп. Бактериялар ыраастыыр систиэмэлэри туоруур кыахтаах буолан, эргэрбит уу систиэмэлэригэр үөскүүр кыахтаахтар. Ону тэҥэ уу турбатын алдьаныытынан вирустар, бактериялар ууга киириэхтэрин сөп», — диэн биэдэмистибэҕэ иһитиннэрдилэр.
Киһи доруобуйатыгар саамай улахан кутталы сальмонеллалар, дизентерия палочкалара (шигеллалар) уонна легионеллалар курдук патогеннаах бактериялар оҥороллор. Чуолаан кинилэр искэ инфекциялары, пневмонияны үөскэтэллэр. Кирдээх уу нөҥүө ротавируснай уонна энтеровируснай инфекция, гепатит А, лямблиоз, амебиаз, дифиллоботриоз курдук араас паразитнай ыарыылар киириэхтэрин сөп.
Бэйэҕитин харыстыырга ууну хайаан да оргутуохха наада. Кэлим ыраастыыр фильтрдар ууну бактерияттан эрэ буолбакка, киртийиилэртэн эмиэ ыраастыыллар, сымнаталлар.
