"Кыайыы знамята" эстафета Булуҥ улууһугар тиийдэ

Муус устар 29 күнүгэр Тиксиитээҕи култуура-спорт комплексыгар Аҕа дойду улуу сэриитигэр Кыайыы 80 сылыгар, Россияҕа Аҕа дойдуну көмүскээччи, Саха сиригэр Ийэ дойдуну көмүскээччи сылларыгар анаммыт Кыайыы Былааҕын булуҥнар көрүстүлэр. Оскуола оҕолоро,  № 2-дээх Тиксии оскуолатын кадетскай кылааһын эдэр армеецтара, Тиксии бөһүөлэгин байыаннай чааһын байыаннай сулууспалаахтара кыттыыны ыллылар.

Знамяны саалаҕа капитан Вадим Бондаренко уонна лейтенаннар Николай Дрожинов уонна Виктор Карпов киллэрдилэр. Булуҥ улууһун баһылыга Афанасий Андросов тутта. Кини эстафета үбүлүөйдээх сылга ураты суолтатын бэлиэтээтэ, патриотизм уонна история кырдьыгын харыстааһыны эттэ. Булуҥ оройуонун бэтэрээннэрин сэбиэтин бэрэссэдээтэлэ Марфа Филиппова эдэр көлүөнэҕэ анаан тыл эттэ.

Аахсыйа 31 оройуону хапта: Мэҥэ Хаҥалас, Амма, Уус Майа, Алдан, Нерюнгри, Уус Алдан, Чурапчы, Таатта, Томпо, Өймөкөөн, Кэбээйи, Нам, Хаҥалас, Горнай, Бүлүү, Үөһээ Бүлүү, Ньурба, Сунтаар, Мииринэй, Ленскэй, Муома, Абый, Дьааҥы, Эбээн Бытантай, Өлүөхүмэ, Үөһээ Халыма, Орто Халыма, Аллараа Халыма, Аллайыаха, Усуйаана уонна Эдьигээн.

Булуҥ оройуонуттан эстафетаны Өлөөн улууһа тутар.