Дьокуускайга сылын аайы ыытыллар «Кыһын Саха сириттэн саҕаланар» бэстибээлгэ бэлэмнэнии саҕаланна. Уокурук дьаһалтатыгар сэтинньи 5 күнүгэр куорат баһылыгын бастакы солбуйааччы Владимир Дорожкин салайааччылаах тэрийэр кэмитиэт мунньаҕа буолла.
Мэрия иһитиннэрэринэн, бэстибээл сүрүн тэрээһиннэрэ сэтинньи 24 күнүттэн саҕаланыахтара.
Быйылгы биир сонун тэрээһининэн — «Саха быһаҕа» куонкурус буолуоҕа. Ону таһынан куорат олохтоохторун уонна киин куорат ыалдьыттарын үгэс курдук муус уонна хаар скульптураларын «Саха сирин Бриллианнара» аан дойдутааҕы күрэҕэ, «Саха сирин амтана» гастрономическай бэстибээл уонна «Строганина» бырааһынньык уонна да атын тэрээһиннэр күүтэллэр.
