Бүгүн алтынньы 14 күнэ. Кыһыҥҥы күн-дьыл ааҕыллар кэмэ саҕаланар. Норуокка биллэр билгэлэр бааллар.
Бу күн хаардаатаҕына, кыһын кэлиитин 40 хонук күүтэллэр, ол эбэтэр сэтинньи ый 21 күнүгэр диэри.
Хотуттан тыалырдаҕына – тымныы кыһын, арҕааттан тыалырдаҕына сылаас кыһын буолар. Бокуруоп күн сылаас күн-дьыл турдаҕына тымныы түһэрэ хойутуур, тымныйдаҕына – тымныы эрдэлиир.
