Кулун тутар 20 чыыһылата, Бикипиэдьийэ бэлиэтииринэн, ХНТ-га француз тылын күнэ, Аан дойдуга дьол күнэ[1], Туниска Тутулуга суох буолуу күнэ. Дьол күнэ 2013 сыллаахтан Холбоһуктаах нациялар тэрилтэлэринэн бэлиэтэнэр. Дьон олоҕор дьол суолтатын, оруолун өссө дириҥэтэн биэрэр сыаллаах. 2015 сыллаахха ХНТ байыалыаттык уонна дьоллоохтук олорууга үс усулуобуйаны бэлиэтээбитэ: дьадаҥы диэн суох буолуохтаах, тэҥэ суох буолуу аҕыйыахтаах, сирбитин-уоппутун көмүскүөхтээхпит.
Түбэлтэлэр
- 1919 — Арассыыйа Үлэһит-бааһынай бырабыыталыстыбата Башкирия бырабыыталыстыбатын кытта Сэбиэскэй Автономиялаах Башкирия туһунан сөбүлэҥҥэ илии баттаспыттар (Арассыыйа өттүттэн В.И. Ленин, И.В. Сталин уо.д.а. баттаабыттар).
- 1948 — ВКП (б) Киин кэмитиэтэ Югославия салалтатын марксистыы идеологияттан туорааһыҥҥа аһаҕастык буруйдаабыт.
- 1956 — Тунис Францияттан тутулуга суох буолбут.
- 1988 — Нагорнай Карабах обкуома уобалас Арменияҕа холбоһорун туһунан уураах ылыммыт.
- 2003 — Холбоһуктаах сэриилэр Ираакка саба түспүттэр.
- 2008 — Саха Өрөспүүбүлүкэтин төрдүс ыҥырыылаах Ил Түмэнин бэрэстээтэлинэн Виталий Басыгысов талыллыбыт. Бу дуоһунаска 2013 сыл күһүнүгэр диэри үлэлээбитэ.
- 2010 — Эйафьадлайокудль вулкан эстиитэ саҕаламмыт. Муус устар 14 күнүгэр эстии күүһүрбүтэ.
Төрөөбүттэр
- 1828 — Генрик Ибсен (1906 өлб.) — Норвегия суруйааччыта.
- 1851 — уруккуннан кулун тутар 8 күнүгэр Исмаил Гаспринскай (1914 сыл балаҕан ыйын 11 [24] өлб.) — Кырыым татаардарыттан төрүттээх сырдатааччы, бэлиитик уонна сурунаалы таһаарааччы, Арассыыйа импиэрийэтин мусулумааннарын басхаана (бас-көс киһитэ), дьадид хамсааһынын төрүттээччи.
- 1917 — Сэмэн Данилов — саха норуодунай бэйиэтэ. 50-с сылларга «саха былыргытыгар, олоҥхоҕо, болкулуорга аһара хасыһар» диэн омугумсуйууга буруйданан үлэтиттэн ууратыллыбыта. Онтон 1961 с. саҕалаан 1978 с. өлүөр дылы Саха Сирин суруйааччыларын Сойууһун бырабылыанньатын бэрэссэдээтэлинэн үлэлээбитэ.
Өлбүттэр
- 1943 — Константин Попов — Дьокуускайдааҕы биэнньэр дыбарыаһын дириэктэрэ, архыбыыс, абыйаассыйаҕа сулууспалыы сылдьан Аҕа дойду Улуу сэриитигэр өлбүтэ.
- 1976 — Константин Дьячковскай — Туйаарыскай (03.06.1915 төр.) — оҕолорго анаан 40-ча сыл суруйбут бэйиэт, суруналыыс, тылбаасчыт.
