Арассыыйа иһинэн сынньалаҥ турдарыгар кешбэктаах путевкалары кулун тутар 15 күнүттэн саҕалаан ыам ыйын 1 күнүгэр диэри атыылыахтара. Ростуризм эрдэ быһаарбытынан, кешбэктаах турдарга от ыйын 15 күнүттэн от ыйын 1 күнүгэр диэри сынньаныахха сөп.
«Муус устар бүтүөр диэри хайыһарынан Сибииргэ баар Шерегешка хатааһылыахха сөп. Чэбдигирдэр турдар Кавказ регионнарыгар бааллар, Алтай эбэтэр Тюмень диэки сынньаныахха сөп. Көмүс биһилэхтээх историческай куораттарынан култуурунай, киһи билиитин хаҥатар турдарга сылдьан кэлиэххэ сөп. Поволжье киин куоратыгар Нижний Новгородка, Казаньҥа дуу, Санкт-Петербурга сылдьыахха син. Айылҕаҕа көхтөөхтүк сынньаныан баҕалаахтар Карелия, Мурман уобалаһа, Урал, Башкирия, Сибиир уонна Уһук Илин регионнарга баран кэлэр кыахтааххыт«, — диэтэ Ростуризм салайааччыта Зарина Догузова.
