Красноярскай кыраай циклона Саха сирин үгүс өттүгэр хаардаах сылаас күнү-дьылы аҕалыаҕа. Соҕуруулуу-илин +1 буолуоҕа. ЯСИА-ҕа УГМС метеорологическай уонна агрометеорологическай борогунуоһун отделын начаалынньыга Саргылана Никитина кэпсээтэ.
«Кэлэр сууккаҕа соҕуруулуу-арҕаа уонна соҕуруу туһаайыынан кыраадыс 0…-5, миэстэлэринэн +1. Киин улуустарга эмиэ сылыйыаҕа. Красноярскайдааҕы циклон дьайыыта буолар», — диэтэ кини.
Киин улуустарга сылыйыы чэппиэргэ буолара былааннанар: күнүс -4…-9 кыраадыс.
«Ити эрээри өрөбүллэргэ -13. Соҕуруулуу-арҕаа сылаас син туруоҕа. Хотугулуу-илин тымныы, түүнүн -30…-35 тиийиэн сөп», — диэтэ эксперт.
Саргылана Никитина эппитинэн, киин улуустарга сэтинньи саҕаланыыта -30 тымныйыаҕа.
