Кэккэ СМИ-ларга балаҕан ыйыгар «Стратус» диэн коронавирус саҥа штаммынан ыалдьыы элбээн, оскуолалар дистанционнай үөрэххэ көһөрүллүөхтэрин сөбүн туһунан иһитиннэрии тарҕанна. Саха Сирин Үөрэҕин Министиэристибэтигэр балаһыанньаны быһаардылар.
“Саха сирин үөрэҕин уонна наукатын министиэристибэтин уопсай үөрэхтээһин, иитии уонна эбии үөрэхтээһин эйгэтигэр судаарыстыбаннай Департамена иһитиннэриитинэн, маннык информация киирбэтэҕэ», – диэн Саха Сирин Үөрэҕин Министиэристибэтигэр ЯСИА-ҕа кылгастык быһаардылар.
Эрдэ ЯСИА Россияҕа «Стратус»-ка ыалдьар түбэлтэлэрэ элбээн иһэрин иһитиннэрбитэ. Коронавирус «Стратус» көрүҥэ ыарыы бэрт чэпчэкитик киирэринэн уратылаах, симптомнара көннөрү ОРВИ курдук, уратытынан ыалдьыбыт киһиэхэ куолас хатыыта буолар, инфекция кэнниттэн 1-2-с күнүгэр сайдар.
