Сэтинньи 27-29 күннэригэр «Модун» успуорт уораҕайыгар норуоттар икки ардыларынааҕы «Кочевник-2025» көрсүһүү ыытыллар. Бу улахан тэрээһиҥҥэ кыттаары Казахстантан сүүмэрдэммит хамаанда кэллэ, суруйда Саха сирэ саайт.
Бастакы күн ыраахтан-чугастан ыалдьыттарга култуура тэрээһиннэрэ былааннаммыттара. Ол курдук, спортсменнар салалтаны кытта көрүстүлэр, экскурсиялаатылар, хабылыкка маастар-кылааска сырыттылар. Ону сэргэ, успуорт национальнай көрүҥнэрин туһунан иһиттилэр.
Иккис күн күрэхтэһэллэр. Тэрээһин үөрүүлээх арыллыытын кэнниттэн хамаанданан күрэхтэһиилэр саҕаланыахтара. Үһүс күн түмүктүүр күрэстэр буолуохтара. Бу тэрээһиҥҥэ 100-тэн тахса спортсмен кыттыыны ылара күүтүллэр.
«Кочевник-2025» Кыргызстаҥҥа 2026 с. атырдьах ыйын 31 — балаҕан ыйын 6 күннэригэр буолуохтаах тэрээһиҥҥэ бэлэмнэнии чэрчитинэн ыытыллар. Оонньууларга 89 тахса дойдуттан ыалдьыттар, спортсменнар түмсүөхтэрэ.
Сиһилии: https://www.sakha.gov.ru/news/16126
СӨ Ил Дарханын уонна Бырабыыталыстыбатын пресс-сулууспата
