Айылҕа харыстабылын миниистирэ Сахамин Афанасьев ойуур баһаардара ордук киин улуустарга элбэхтэрин, билигин да күөдьүйүү тахсарын, баһаардар өртөөһүнтэн бартарын эттэ.
«Балаҕан ыйын 24 күнүгэр өрөспүүбүлүкэҕэ 10 ойуур баһаарын Алдаҥҥа, Уус-Алдаҥҥа, Чурапчыга умулуннараллар. “Авиалесоохрана” уонна “Якутлесресурс” үлэһиттэрэ ааспыт сууккаҕа 695 га иэннээх сиргэ 11 ойуур баһаарын умулуннардылар. Билигин туох баар күүс Уус-Алдан уонна Чурапчы улуустарыгар баар баһаардары умулуннарыыга ыытыллар. Бу улуустар буруолара Дьокуускайга кэлэр«, — диэтэ Сахамин Афанасьев.
Космическай хаартыскалар көрдөрөллөрүнэн ойуур баһаардарын биричиинэлэринэн дьон буолар. Билиҥҥи ойуур баһаардара өрт уотуттан бартар. Үксүн оттуур ходуһалар, бултуур сирдэр умайаллар, онтон ойуурга көһөллөр. Маныаха дьон ото уокка былдьанар.
Вице-премьер Алексей Колодезников быһаарыытынан өрт уотун сэрэтэр, хонтуруоллуур үлэ күүһүрүөхтээх.
Миниистир, өрөспүүбүлүкэ олохтоохторугар туһаайан, өртөөһүнү ыыппаттарыгар сүбэлиир.
This post was published on 24.09.2020 17:01 17:01