Сунтаар улууһун Кэмпэндээйитигэр оскуола-саад тутуллуоҕа. Оскуола үөрэнээччилэригэр 90 миэстэлээх, дьыссаакка — 25 миэстэ буолуоҕа. Маннык дьаһалы Ил Дархан миэстэтигэр тиийэ сылдьан быһаарда.
«Тыа сирин мас оскуолата 1960-с сыллардааҕы тутуу. Эргэрдэ. Бырайыактыыр-сметалыыр докумуона оҥоһуллубут, судаарыстыбаннай экспертиза ааспыт. Биһиги оҕолорбут үөрэнэллэригэр уонна сайдалларыгар аныгылыы усулуобуйа тэриллиэхтээх, ол иһин 2025 сылга манна оскуола-саад тутуута саҕаланыаҕа», – диэтэ регион баһылыга.
