Ил Дархан Айсен Николаев ыйааҕар олоҕуран, региоҥҥа оҕо оонньуур хосторо, оҕолору аралдьытар-сынньатар кииннэр, аһаҕас хаҥкылыыр катоктар, хайыһардыыр пааркалар үлэлэрин саҕалыахтара. СИА суһал штаб иһитиннэриитигэр олоҕуран суруйар.
«Хааччахтааһын миэрэлэриттэн таһаарыллар тэрилтэлэр санитарнай-эпидемиологическай ирдэбиллэри уонна быраабылалары тутуһуохтаахтар», — диэтэ брифинг кэмигэр штаб салайааччытын солбуйааччыта Ольга Балабкина.
Маны сэргэ өрөспүүбүлүкэ баһылыгын ыйааҕынан 65-тэн аҕа саастаах вакцинацияламмыт дьон уонна дьарҕа ыарыылаахтар самоизоляция эрэһиимиттэн тахсаллар.
