Ахсынньы 19 күнүгэр олохтоох бириэмэнэн 18:00 чааска «Итоги года с Владимиром Путиным» бырагыраама эпииргэ тахсар. Судаарыстыба баһылыга быһа эпииргэ ааһан эрэр сыл түмүктэрин таһаарыаҕа уонна Россия олохтоохторун уонна суруналыыстар ыйытыыларыгар хоруйдуоҕа. Ол туһунан регион салалтатын пресс-сулууспата суруйда.
Россия олохтоохторо moskva-putinu.ru сайт нөҥүө суруйан, 0–40–40 нүөмэргэ СМС- эбэтэр ММС-иһитиннэрии ыытыахтарын, 8 (800) 200-40-40 эрийиэхтэрин, «ВКонтакте» уонна «Одноклассники» социальнай ситимнэринэн сибээскэ тахсыахтарын сөп.
Маны сэргэ, анал мобильнай сыһыарыыларынан ыйытыылары ылаллар. Инструкцията бырагыраама саайтыгар баар.
Ыйытыыны ылыы ахсынньы 19 күнүгэр бырагыраама бүтүөр диэри ылыллар.
